ពិធីចែកអំណោយរបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក្នុងមូលដ្ឋានខណ្ឌជ្រោយចង្វារ
20-November-2015 | ដោយ មួយឡា
ភ្នំពេញ៖ ដើម្បីជួយកាត់បន្ថយ ក៏ដូចជាជួយរំលែកទុកលំបាកខ្លះៗរបស់បងប្អូនប្រជាពលរដ្ឋ ដែលមានជីវភាពក្រីក្រលំបាក កាកបាទក្រហមកម្ពុជាមិនដែលមើលរំលងនូវទុកលំបាកទាំងអស់នេះទេ គឺសាខាកាកបាទក្រហមកម្ពុជាតែងតែជួយឧបត្ថម្ភនូវសម្ភារៈ ក៏ជាថវិកាមួយចំនួនដើម្បីកាត់បន្ថយការលំបាករបស់បងប្អូនជានិច្ច។
នៅរសៀលថ្ងៃទី១៩ ខែវិច្ឆិកា ឆ្នាំ២០១៥ អនុសាខាកាកបាទក្រហមកម្ពុជាខណ្ឌជ្រោយចង្វារ បាននាំយកនូវអំណោយដ៏ថ្លៃថ្លារបស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា មកចែកជូនប្រជាពលរដ្ឋក្រីក្រ ចាស់ជរា អ្នកផ្ទុកមេរោគអេដស៍ ស្ត្រីមេម៉ាយ ចំនួន៤៦ គ្រួសារ ក្នុងសង្កាត់ព្រែកលៀប ខណ្ឌជ្រោយចង្វារ រាជធានីភ្នំពេញ។
ពិធីនេះដែរ ធ្វើឡើងក្រោមអធិបតីភាព លោក ឃ្លាំង ហួត ប្រធានកិត្តិយសអនុសាខាកាកបាទក្រហមកម្ពុជាខណ្ឌជ្រោយចង្វារ និងជាអភិបាល នៃគណៈអភិបាលខណ្ឌជ្រោយចង្វារ និងមន្ត្រីដែលពាក់ព័ន្ធ ព្រមទាំងសមាជិកអនុសាខាកាកបាទក្រហមកម្ពុជាខណ្ឌជ្រោយចង្វារផងដែរ។
អំណោយដែលបានយកមកធ្វើការចែកជូនគ្រួសារនីមួយៗ ក្នុងនោះម្នាក់ៗទទួលបាន៖ អង្ករ ២៥ គីឡូក្រាម មី ០១ កេស ត្រីខ ១០កំប៉ុង ឃីត ០១កញ្ចប់ ( មុង១ សារុង១ ភួយ១ ក្រមា១) និងថវិកាចំនួន ១០០,០០០ រៀលផងដែរ៕
ប្រភព៖ ទំព័រសាលាខណ្ឌជ្រោយចង្វារ
ចំនួនអ្នកទស្សនា
- ថ្ងៃនេះ671
- ម្សិលមិញ12561
- សប្តាហ៍នេះ28621
- ខែនេះ50501
- ឆ្នាំនេះ50501
- សរុប20492957